I bin dr Flu, ursprünglich us Graubünda, neu in Winti asässig.
Agfanga hetts bi miar bimana Community-MMOG namens Graal Online, nochher WoW Classic, richtig ins Fiaber bini aber erst mit Guild Wars 1 koh...Dannoch Guild Wars 2 und nochher a Ziit lang ufghört mit MMOG's...
Sit guat 1.5 Johr spiel i jetza mit minara Fründin ESO und wiar möchten üs somit in dera schöna Gilda bewerba. (Eifachheitshalber 2 Bewerbiga in einera ;P)
I han vor a paar Mönet euri Awerbig in Dolchsturz glesa und han denkt, dass i miar da grad ufschriiba, jetzt kummi endlich mol dazua zum eu aschriba.
Noch all dera Ziit mit dütscha Gildana, wärs doch no schön, mol so z reda wia einem d Schnorra gwachsa isch.
I bin um dia CP 500 uma, spiela sehr gera Magicka-Templer-DD (Main) und Templer-Heiler. Erfahrig hani im PvE. PvP fangi erst jetzt richtig a zum mi inafühla. Mini meista Charaktera sind jedoch Schlümpf. Min Main isch demnächst amol "Master-Crafter"...wenn Schmuckhandwerk nid so verdammt lang wür goh.
Min Account-Nama isch "chaoszeroanura"
Mini Fründin Lue isch ~CP 560 und hett am Liabsta Magicka-Zauberer-DD's, sie isch au PvE-versiart und hett sehr guati Prüafigserfahriga und hett a biz meh PvP-Erfahrig.
Unter ihrna 15 Char's isch ebafalls an "Demnächst-Master-Crafter" und a paar Ebenherz-Päktler dinna.Ihra Account-Nama isch "KiLLDEATHANGEL"
Wir würend üs sehr über eura Invite freua!
Cheers!7
