Obileee
Beiträge: 3
Registriert: Di 16. Jan 2018, 20:43
Wohnort: Basel-Land

Bewärbig

Di 16. Jan 2018, 21:05

Hoi Zämme

Ich bi d Vicky, bi 26 Jööhrli alt und chumme usem Kanton BL.
Ich bi e zimmlich bluetige Ahfänger in Sache MMO... Mini Erfahrige beschränke sich uf Skyrim (als Zueschauer :roll: ) und sit knapp emä Joohr jetzt den ESO.
Allerdings het mi s ESO zimmlich aknabberet und nach Monaten des Herumprobierens (und jämmerlichen Scheiterns) möcht i doch langsam mol e Char wo bitz was cha :D

Ich bi zimmlich unregelmässig uf Tamrielischem Bode unterwägs... vorwiegend am WE zobe und jeh nach Müedigkeitsgrad au mol unter dr Wuche zobe.
Wie scho erwähnt sind mini Chars ned grad d Totschläger vor em Herr... Dohär zie ich bislang s PVE vor. Ambitione sind durchus vorhande, aber ich spiel trotz Allem immerno us Spass ;)

Mini "Main-Ische" isch e Dunkelelfin irgendwo bi CP 380 umme. Sie isch e Hüeterin und im Ebenherz-Pakt. Durch Unwüsseheit, mangel an Erfahrig usw. isch sie ziiiimmlich falsch gskillt... und da i nüt gschiiters mit ihre ha chönne ahfo, hani se jetzt mol no vo emä Wolf lo bisse :roll:
Ansunste wird mis "Team" no vo erä Khajiit-Dame beriicheret, wo eher bescheide im Stibitze isch, derfür e zimmlich nätte Dolch schwingt... Sie isch e Nachtklinge uf dr 27. Stufe.
Den gits no mini Lady des Nordens (mi Versuech, ob ich mit Zweihänder zschlag chumme) uf dr Stufe 18 (dr Bewiis, dass dem ned so isch...) und mini neusti Errungeschaft: E Hochelfe, Lv. 33, Templerin und angehendi DD/Heal.

Ich ha bisher nur in chliine (2-3 Nase) Grüppli gspiilt und ha um Cyrodiil e Boge gmacht.
I hoff, dass es unter Euch es paar git, wo sich mir und mine Pappnase bitz chönnt ahneh und es paar Tipps hätte.

Freu mi uf Euch und liebi Griessli
Vicky
@Obileee

Dagnir

Re: Bewärbig

Mi 17. Jan 2018, 18:38

Hoi Vicky

Willkomme bi üs. Ich han der mal en Iladig gschickt ;-)
D Discord date findsch da im Forum oder im Spiel ide Gilde info. Eifach frage und a schribe went frage hesch. Mir chönd dir sicher häälfe dini Ziel z erreiche.

Grüess Mark // @Dagn1r

Obileee
Beiträge: 3
Registriert: Di 16. Jan 2018, 20:43
Wohnort: Basel-Land

Re: Bewärbig

Mi 17. Jan 2018, 23:16

Wow super!! Danke villmol!
Freu mi jetzt scho und bis bald :D :D

Zurück zu „Gildenbewerbung und Members“